Një foto e publikuar nga Ermali, ndonëse jo me miratimin e plotë të Amit, njoftoi lajmin e mirë për fansat: ata do të bëheshin prindër për herë të dytë.
Çifti ka një djalë të vogël, Joel, e ndërsa së shpejti familja e tyre do të shtohet edhe me një vajzë. Këto ditë të ftohta janari, Ermali dhe Ami janë zhvendosur në një vend me dëborë së bashku me miqtë e tyre.
Ndryshe nga Ermali, Ami ka qenë më aktive në rrjetet sociale, (ndonëse shumë kohë më parë bënte rezistencë ndaj tyre) dhe nuk ka nguruar të ndajë me ne foto në të cilën mund të vëmë re lehtësisht barkun e rrumbullakosur.
Në ditët e fundit të shtatzënisë, Ami duket në formën e saj më të mirë. Duket se këto pushime e kanë kryer misionin e tyre.
