Dua Lipa pranoi se ajo akuzohet për ‘urrejtje’ ndaj meshkujve – diçka për të cilën thotë se është një keqkuptim total.
Këngëtarja kosovare me famë ndërkombëtare kohët e fundit foli për suksesin e këngës ‘New Rules’ për Teen Vogue, këngë për të cilën tha se i dedikohej lidhjeve të afërta mes mikeshave.
“Shumë njerëz vijnë dhe më thonë: ‘Ti me të vërtetë i urren meshkujt apo jo?’”, tha ajo duke shtuar: “Ky është një keqkuptim total.”
“Doja që ajo të jetë këngë që ka të bëjë me rregullat mes shoqeve”, tha Dua në lidhje me projektin e saj të suksesshëm.
‘New Rules’ rrëmbeu vendin e parë në Mbretërinë e Bashkuar, Hollandë, Belgjikë, Irlandë, Izrael dhe Rumani.
