Dhe fotoja që prisnim, erdhi. Ka më pas se dy javë që kur Chrissy Teigen dhe John Legend mirëpritën anëtarin më të ri të familjes, djalin e vogël, Miles Theodore Stephens dhe Luna duket se e ka marrë seriozisht rolin e motrës së madhe.
Modelja bukuroshe nuk ka nguruar që të ndajë me fansat e saj foto të Miles, e megjithatë të gjithë ishim kureshtarë të dinim se si e ka pritur Luna ardhjen e tij në jetë, nisur nga deklarata që ka bërë më herë këngëtari i hitit “All of me”, i cili tha se Luna është shumë xheloze. Mirëpo, duket se ka ndodhur e kundërta. Bukuroshja e vogël duket shumë e përkushtuar ndaj vëllait, teksa po i jep biberonin.
Këtë moment, Chrissy Teigen e ka fotografuar për ta ndarë më pas me miqtë e saj në rrjetet sociale.
Kjo është paraqitje e dytë e Miles në rrjetet sociale dhe duket se ia ka marrë dorën fotografive, ndonëse është ende shumë i vogël.
