Një personazh, një ditë, dy lajme të mëdha! Moderatorja e Tring Stars, Katerina Trungu ka kurorëzuar në martesë lidhjen e saj 8 vjeçare me DJ e TVSH, Endri Miliku. Ceremonia është zhvilluar në tarracën e Bashkisë së Tiranës, ku ka qene vetë kryebashkiaku Erion Veliaj kurorëzuesi i kësaj dashurie.
Ka qenë një ceremoni e vogël, ku të pranishëm kanë qenë miq dhe familjarët më të ngushtë të çiftit.
Në një ditë kaq të rëndësishme, Katerina ka ndarë me ne edhe lajmin e bukur se është në një pritje të ëmbël, ndonëse kjo gjë ishte lehtësisht e kuptueshme, pasi barku i saj i rrumbullakosur mund të dallohet, edhe pse moderatorja nuk kishte tentuar që ta fshihte.
Katerina është 6 muajshe shtatzënë dhe së shpejti do të bëhet nënë e një djali.
