Masterclass i një prej make up aristëve më të mirë në botë, Mario Dedivanovic mbushi plot Pallatin e Kongreseve.
Çmimet ishin shumë të ulëta krahasuar me masterclass-et e zhvilluara nëpër botë. Vetë Mario, i cili është me origjinë shqiptare, kishte këmbëngulur shumë për këtë, në mënyrë që t’u jepte të gjithëve mundësinë që dëshironin të ishin pjesë.
Si modele, ishte përzgjedhur Kleona Leka, kjo për shkak të ngjashmërisë së saj me mamin e Marios, e cila nuk mundi të vinte në Shqipëri, për shkak se ishte sëmurë. Në vendin e Kleonës, mund të kishte qenë Kim Kardashian, por Ketrina Jarazi dhe Agnesa Hadërgjonaj, dy organizatoret e eventit të shumëpërfolur, shpjeguan se arsyeja që e mbajti Kim-in larg shqiptarëve
“Kim Kardashian zakonisht kërkon 1 milion euro për të qenë pjesë e një eventi. Përveç kësaj, kërkon edhe avion privat. Plus që nuk është vetëm, duhet të ketë edhe pjesëtarë të stafit me vete. Nëpërmjet Marios, negociuam për një çmim pak më të ulët. Por, pastaj do të kishim më shumë punë me sponsorat. Gjithashtu, i binte që çmimi i biletave të mos ishte kaq i ulët, sepse do të duhet të mbulonte 1 milion eurot që kërkonte Kim-i”, u treguan dy organizatoret e këtij masterclass për “Jo vetëm modë”.
