Aktori i “Portokalli”, Gaz Paja pritet që së shpejti të bëhet baba për herë të parë.
Paja, i cili kurorëzoi në martesë historinë e tij të dashurisë me bukuroshen Ira Seferi ka qenë gjithmonë i rezervuar pë jetën e tij private e madje edhe martesën e shtatzëninë e bashkëshortes ia kanë zbuluar vetë mediat.
Por i ftuar në puntatën e parë të emisionit “Soiree” në Top Channel, aktorit duket se i ka shpëtuar goja dhe padashje gjatë bisedës ka zbuluar gjininë e fëmijës që presin. I pyetur nga drejtuesja e emisionit, Jonida Shehu, lidhur me raportin që ai ka me kryetarin e bashkisë së Tiranës Erion Veliaj (kujtojmë që aktori është angazhuar së fundmi në politikë) ai tha:
“Erion Veliaj përpiqet që të më tregojë se si do të jetë jeta pasi djali të vijë në jetë”, është shprehur Gaz Paja duke treguar në këtë mënyrë gjininë e fëmijës.
“Pra, ju prisni një djalë?”, e ka pyetur më tej Jonida.
“Po ne presim një djalë”, përfundoi aktori i njohur.
Gjatë bisedës me Shehun, ndër të tjera Gaz Paja zbuloi se ai dhe bashkëshortja e kanë shtyrë muajin e mjaltit për një moment të dytë.
Parashikimi i Horoskopit, datë 26 shtator 2019
Parashikimi i Horoskopit, datë 24 shtator 2019
