Ky fillim vjeshte, si për rastësi të fatit, ka çuar drejt Londrës 3 vajza të njohura të kryeqytetit, të cilat jo rastësisht spikasin edhe për shijet e veçanta të modës dhe pamjen e kuruar e elegante.
Artistja e njohur shqiptare Manjola Nallbani ka udhëtuar vetëm pak ditë më parë në Britani dhe prej andej po ndan me ndjekësit dhe miqtë ditët dhe vizitat e saj në monumente apo vende të njohura nga qyteti i saj i preferuar, siç e cilëson artistja Londrën.
Fashionistja Ersi Ngjela (e njohur si ersichic) dhe një ndër vajzat e bukura brune të Tiranës, ish-miss në konkursin e parë të bukurisë, Sonila Çaushi na kanë sjellë njësoj si Manjola, aromën e Londrës dhe gjetheve të vjeshtës me fotot të tyre më të fundit në rrjetet sociale.
E nuk mund të shkon në Londër e të mos kesh një foto me kabinën e kuqe në sfond apo të mos spikasësh për stilin në rrugën londineze, pavarësisht temperaturave të ulta e motit të zymtë.
