33-vjeçari me kancer dhuron të gjithë siguracionin e jetës për të dëmtuarit nga tërmeti: “Për ata që kanë mundësi të jetojnë“!
Shembujt e një humanizmi të rrallë nuk kanë munguar në këto ditë të vështira për Shqipërinë. Në një kohë kur jo të gjithë ata që kanë mundësi të dhurojnë në ndihmë të familjeve të prekura nga tërmetit e kanë bërë një gjë të tillë, ka njerëz si një 33 vjecar I sëmurë me kancer, që ofruan të japin gjithë cfarë kanë. Në një telefonatë me emisionin “Shqiptarët për shqiptarët”, ai tha se do të jepte të gjithë siguracionin e jetës për ata sot janë në mes të katër rrugëve.
“Po i bie shkurt se nuk kam fuqi. Jam një pacient i Onkologjikut,” tha 33-vjeçari duke zbuluar se vuan nga kanceri. “Zoti nuk e deshi që unë të vazhdoj [jetën], ose më saktë Zoti ma priftë sa më mirë atje ku do të vete. Kam një siguracion jete që e kam firmosur sot [i cili] shkon diku te 38,000 euro dhe dua t’i dhuroj për të gjithë ata që kanë mundësi të jetojnë”, ka qenë komenti tejet prekës I të riut, I cili tregoi me gjestin e tij të jashtëzakonshëm se fisnikëria nuk matet me para!!!
