KreuBusull

Ndahet nga jeta aktorja e njohur e komedisë “Përrallë nga e kaluara”!

 

Ndonëse me një rol episodik, batuta ‘o ç’u kënaqëm’ e rolit të Kotes në komedinë “Përrallë nga e kaluara”, mbetet ende sot frazë që përdoret nga të gjithë ne në përditshmërinë tonë.

Fatkeqësisht aktorja Mira Minga është ndarë sot nga jeta në shtëpinë e saj në SHBA ku jetonte prej 19 vitesh. Me lajmin e hidhur na njohu mikesha dhe kolegia e saj Shegushe Bebeti, e cila me trishtim shkroi një status për të ndjerën Mira.

Oh sa dhimbje…oh sa lot…nuk gjej dot fjalë ta përshkruaj…sapo më erdhi lajmi nga Amerika, është ndarë nga jeta mikja ime e shtrenjtë Mira Minga Jupi, aktorja e mrekullueshme e Teatrit të Kukullave, gruaja ideale, nëna e jashtëzakonshme që do t’i mungojë aq shumë familjes. Mira e talentuar, aq bujare, aq punëtore e zemërbardhë, u largua në Amerikë para 19 vitesh e sot largohet nga jeta, e ne nuk kemi mundësi t’i japim lamtumirën e fundit…qofsh e parajsës mikja ime e mirë e dheun e huaj e paç të lehtë. Do të më mungosh aq shumë e kafenë nuk do ta pimë më bashkë nëpërmjet skype, do të kujtoj gjithmonë me shumë dashuri e dhimbje. Ngushëllime familjes e miqve që të deshën aq shumë

Mira Minga u nda sot  nga jeta, por roli i Kotes është i pavdekshëm në kinematografinë shqiptare, ku me mjeshtëri realizoi figurën e fshtatares ngatërrestare, sherrxhie, thashethemexheshkë e shumë finoke. Po ashtu kontributi i saj në Teatrin e Kukullave teksa i ka dhënë ‘shpirt’ kukullave për dekada me radhë, mbetet një vlerë e shtuar e artit shqiptar.

 

 

 

 

 

Tags:

Home Busull

Bordo No.64
Nëntor 2023

SHKARKO VERSIONIN PDF