Zyra e Bashkimit Europian në Tiranë nëpërmjet një postimi në Twitter, na fton të gjithëve që sot në orën 20:00, të dalim të gjithë në dritare, duke duartrokitur për luftëtarët që janë në vijën e zjarrit të kësaj beteje me Covid-19.
“Do të duartrokasim të gjithë sot për profesionistët e kujdesit shëndetësor, shkencëtarët, zjarrfikësit, policët dhe këdo që ndodhet nē vijën e parë të kësaj lufte me Covid-19. Bashkohuni me ne sot në orën 20:00 dhe të duartrokasim të gjithë bashkë”; shkruhet në postimin në faqen zyrtare të Bashkimit Europian Albania!
Sigurisht që ne do t’i bashkohemi, e me siguri edhe ju!



















