Inva Mula ka gjetur një mënyrë mjaft të bukur për të uruar ditëlindjen e të birit, Anthony, në rrjetet sociale. Sopranoja e famshme ka postuar në Instagram një foto nga koha kur ai erdhi në jetë, dhe lumturia në fytyrën e saj lexohet fare qartë!
Të njëjtën lumturi, shohim dhe sot, një cerek shekulli më vonë.
“25 vite plot me dashuri”, ka shkruar Inva, ndërsa më poshtë kanë vërshuar urimet e miqve dhe ndjekësve. Anthony, tashmë është rritur duke u kthyer dukshëm në krenarinë e të ëmës. Këto foto nga Inva janë të rralla, sepse ajo përgjithësisht është mjaft hermetike kur vjen fjala tek jeta e vet private.
