Kishim menduar se miqësia e tyre kishte lindur në vendin e punës, por jo. Xhemi Shehu dhe Isli Islami paskan kohë që njihen, dhe vetë, tani na e treguan se paskan qenë bashkë në shkollë dhe se shoqëria e tyre është kultivuar ndër vite. “Me shoqen/shokun e bankës”, shkruajnë në foton e postuar së fundi.
Xhemi është larguar nga ekrani i Top Channel duke braktisur dhe drejtimin e “Portokallisë”, dhe ende nuk ka dhënë një arsye për këtë vendim të saj e as nuk i ka treguar fansave se cfarë planesh ka në të ardhmen e afërt. Isli nga ana tjetër vazhdon programin e mëngjesit “Wake Up” në krah të Ori Nebiajt, me të cilin ka gjithashtu një miqësi mjaft të fortë.
