Ato mund të jenë të famshme, numërojnë qindra mijëra ndjekës në rrjete sociale, mund të jenë edhe idhuj të disave, ama për të vegjlit e familjes ato janë thjesht dhe vetëm mamushi i tyre. Ndonjëherë apo shpeshherë disa prej emrave të njohur të showbiz-it e ekranit shqiptar kanë bashkëshoqërues të vegjël edhe vogëlushët; në paletstër, në parukeri, në studio televizive teksa mami e famshme modern një emision…
Sara Hoxha është bërë nënë vetëm pak muaj më parë, e qysh prej ditës kur erdhi në jetë Poem, duket se në çdo aktivitet të sajin Sara nuk e ndan bebushen nga vetja, ndonëse e vogla është vetëm disa muajshe. Në postimet e shumta që mami Sara bën shpesh në instagram, kemi parë që Poem është gjithmonë aty; në palestër, në yoga, në një qendër estetike, e pse jo edhe në një galeri arti.
Në koridoret e Top Channel shihet shpesh një biond i vogël teksa nuk i ndahet mamit, moderatores Bieta Sulo. Mesa duket Kroi ka shumë dëshirë të shkojë tek puna e mamit, e Bieta zgjedh shpesh të ëmbëlsojë vrullin e stresin e një programi live, duke parë në paskuintë portretin e ëmbël të të birit.
Jo vetëm Kroi por edhe Arbori viziton shpesh mami Borën teksa ajo bën punën e saj si moderatore. Në postimet e saj në instagram, Bora Zemani ndan herë pas here momente me të birin në ambientet e punës.
Duke njohur stilin dhe pasionin e Ariana Fejzullahut, nuk ishte aspak çudi hapja e një biznesi që ka në qendër trendet e reja të veshjeve. E teksa bashkëshortja e Ermal Fejzullahut niset në mëngjes të shkojë në punë, një shoqëruese e ëmbël shpesh ndodhet në ulësen e pasme të makinës, bebi Ana.
Ok, e dimë që në këtë artikull po flasim për mamat që marrin në punë fëmiëjt, por një fotoje të postura nga Besnik Krapi, bashkëshorti i Jonida Vokshit teksa kishte me vete në studion e tij të punës bebushen Emi, nuk mundëm t’i rezistonim.
Galeria fotografike
