Mariah Carey ka postuar në rrjetet sociale momentin kur ka marrë dozën e parë të vaksinës anti-Covid, dhe nga videoja u pa qartë se cfarë efekti pati ajo mbi të. 52 vjecarja priti t`i vinte radha dhe dozën e parë e priti me shumë emocion. Ajo madje u përpoq t`i inkurajonte fansat që të ndiqnin shembullin e saj. Por sapo u shpua, pasojat ishin të papritura: Mariah preku një notë të lartë, gati si ajo e fërshëllimës. “ Efekti dytësor i vaksinës, G6” ka shkruar artistja në Instagram. G6 është nota e përdorur zakonisht në spektrin e fërshëllimës, dhe jo të gjithë këngëtarët mund ta arrijnë!
