Bill Gates dhe Melinda Gates vetëm pak javë më parë njoftuan se kishin vendosur t’i jepnin fund martesës, pa zbuluar arsyen. Ndërkohë që nuk dihen ende shkaqet e ndarjes, kanë qarkulluar disa histori që tregojnë se Bill Gates nuk ka qenë i qëndrueshëm në martesën e tij.
Sipas raportimeve të “NYT”, Bill i ka dërguar një email në vitin 2006 një punonjëseje pasi e pa në një prezantim dhe i ka kërkuar që të dilnin bashkë për darkë. Mirëpo punonjësja nuk i ktheu kurrë një përgjigje dhe Bill i kërkoi që të bënte sikur nuk kishte marrë kurrë një email prej tij.
Gjithashtu thuhet se Bill ka udhëtuar dikur drejt Nju-Jorkut me një grua që punonte për fondacionin e tij dhe të Melinda Gates. Të dy ata kanë marrë pjesë në një party dhe gruaja në fjalë pretendon se me zë të ulët në mes të festës, Bill i ka kërkuar që të darkojnë bashkë.
