Si Orinda, ashtu edhe Turi po e prisnin me padurim ardhjen në jetë të vajzës së tyre, dhe që prej momentit kur kjo u bë realitet, nuk lënë rast si njëri, ashtu edhe tjetri pa e shprehur lumturinë që i ka pushtuar. Fill pas lindjes së vogëlushes, moderatori ndau në rrjetet sociale një foto të saj duke i zbuluar edhe portretin, ndërsa së fundi, ishte radha e Orindës të bënte dedikimin e saj. “Një javë me ty, një javë mrekulli, e që tani mendoj se koha kalon shpejt. Më vjen për të qarë sa herë të shikoj dhe falenderoj Zotin çdo çast për këtë bekim. Sa shumë jam lutur për ty e do vazhdoj po njësoj gjatë gjithë jetës. Nuk gjej dot fjalët për të përshkruar gjithë dashurinë që kam brenda vetes për ty. ATARA jonë, kurorë e bekuar e dashurisë tonë 14-vjecare” , ka shkruar ajo në krah të fotove me vajzen.
