Familjes së Dua Lipës i ka lënë mbresa të jashtzakonshme mikpritja që iu bë në Tiranë. Babai i saj, Dukagjini e tregoi këtë përmes një postimi në Instagram, ku përcolli emocionet e tij dhe familjarëve të tjerë pas takimeve me kryeministrin Rama, kryebashkiakun Veliaj, ambasadoren amerikane Yuri Kim, ndërsa ndaluan dhe në rezidencën mbretërore të Shqipërisë. “Vizita në Rezidencën Mbretërore Shqiptare me Kryeministrin shqiptar Z. Edi Rama ishte një përvojë unike. Faleminderit shumë që na bëtë të ndjehemi pjesë e familjes suaj. Me dashuri dhe respekt. Familja Lipa”, ka shkruar ai.
