Një foto e publikuar ditën djeshme nga stafi dhe kasti i Klanifornia, në të cilën mungonte Marina Vjollca bëri të lindin dyshime se moderatorja nuk do të jetë më pjesë e programit të humorit në Tv Klan, duke qenë se është në pritje të ëmbël.
Por duket se shtatzënia nuk do ta shkëpusë aspak Marinën nga ekrani dhe mungesa e saj në foto ka qenë vetëm për arsye se aktualisht moderatorja ndodhet me pushime me bashkëshortin Getoarin.
Këtë fakt e ka konfirmuar producenti i KlaniforniaTurjan Hysko teksa i kontaktuar nga “Prive.al” është shprehur:
“Nuk ka emër të ri. Do jetë Marina prezantuese thjesht nuk ishte sot në mbledhje”
Ky sezon i ri do ta sjellë Marina Vjollcën më bukur se asnjëherë teksa javë pas jave ajo do të shfaqet në ekran me barkun e rrumbullasur gjatë pritjes së ëmbël.
