Talenti i tij është përshëndetur mjaft nga publiku shqiptar, e Gjon Muharremaj thotë se ka marrë mesazhe të shumta edhe nga artistë shqiptare që e kanë uruar për suksesin e tij. Por jo te gjithë tregojnë fytyrën e vertetë. Gjon tha se bota e muzikës është e komplikuar dhe nuk arrin që të kuptosh se kush janë njerëzit e vërtetë, derisa i takon personalisht.“Më kanë thënë shumë bravo mbas Eurovisionit. Më kanë ardhur shumë mesazhe, sidomos nga Kosova, si edhe artistë që i dëgjoja kur isha fëmijë, si Ermal Fejzullahu. Bota e muzikës është e komplikuar, nuk e di kush janë njerëz të vërtetë, kush nuk janë. Duhet ti takosh për t’i njohur. Ronela Hajatin e dua shumë takohemi shpesh kur është në Zvicër ose kur vij në Shqipëri. Me Arilena Arën flas, edhe me Dafina Zeqirin, e kam takuar tek klipi me Arilenë, është shumë vajzë e mirë. Nuk janë të gjithë të mirë, s’dua të përmend emra”, u shpreh ai në Wake Up.
