Kur dukej se mes fronistit Xhoni dhe konkurrentes Anxhi çdo gjë po shkonte më së miri, dhe një romancë e bukur po lindte mes tyre, gjërat kanë ndryshuar.
Gjatë puntatës së kësaj të enjte në “Love Story Talk” Xhoni ka shprehur hapur pakënaqësitë e tij ndaj Anxhit, “Unë i kam dhënë shumë mundësi dhe takime Anxhit, por kam parë që ajo nuk po bën asgjë për mua. Dua që ajo të jetë gati të bëjë gjithçka për mua, të më dashurojë ndaj kërkoj më shumë vëmendje nga ajo”.
Ndërkohë nga ana tjetër Anxhi u shpreh se puthjen do ta japë kur ta ndjejë dhe kur të ketë fituar besim te Xhoni.
Më tej Xhoni u shpreh disi i turbullt nga vajzat në kast pasi nuk e di nëse ato duan Xhonin apo pasaportën e tij gjermane. “Këtu nuk dihet a kanë interes për pasaportën gjermane apo për mua?, ka thënë ai, duke shkaktuar tension te vajzat konkurrente.
Galeria fotografike
