Në këto ditë të ftohta fundjave nuk duam asgjë tjetër veçse të hamë ushqime të shijshme dhe të qëndrojmë ngrohtë në shtëpi.
A nuk do të ishte ideale kjo recetë për një ditë si kjo..?
Më poshtë keni të gjitha hapat si ta përgatitni kadaif me arra:
PËRGATITJA E MBUSHJES
Përziejmë arrat me kanellën dhe i lëmë mënjanë.
Në këtë moment, kadaifin mund ta përgatisim në dy mënyra:
1.KADAIF ROLE
Për të përgatitur kadaifin rolè, e ndajmë kadaifin në 24 pjesë. Çdo pjesë e hapim në formë gjatësore, vendosim në mes një lugë mbushje me arra dhe e rrotullojmë në formë rolèje duke i vendosur copat njëra pas tjetrës në një tavë të lyer me gjalpë. I spërkasim sipër me gjalpin e mbetur përpara se ta pjekim në furrë.
KADAIF I SHTRUAR
E ndajmë kadaifin në dy pjesë të barabarta. Shtrojmë si fillim në tavën e lyer me gjalpë gjysmën e kadaifit, hedhim të gjithë mbushjen me arra duke e shpërndarë në mënyrë të njëtrajtshme dhe shtrojmë sipër edhe kadaifin e mbetur. E spërkasim sipërfaqen me gjalpë përpara se ta pjekim në furrë.
PJEKJA
E pjekim në furrë të parangrohur në 160°C për 50-60 minuta, apo derisa në sipërfaqe të ketë marrë ngjyrë të artë. E lëmë të ftohet plotësisht përpara se ti hedhim shurupin.
SHERBETI
Vendosim në një tenxhere ujin, sheqerin dhe lëngun e limonit. E ziejmë për 7 minuta që nga fillimi i marrjes valë të shurupit duke e përzierë në mënyrë që sheqeri të shkrihet plotësisht. Pas kësaj, ia hedhim me lugë kadaifit tashme të ftohtë derisa ta thithi të gjithë sherbetin (pra kadaifi i ftohtë, sherbeti i nxehtë). E lëmë një natë ose 8-10 orë në mënyrë që të sigurohemi që i gjithë shurupi është thithur nga kadaifi. Më pas e shërbejmë të ndarë në copa.
Horoskopi ditor, e shtunë 22 janar 2022
Balina Bodinaku përfundon në spital!
