Në një status në InstaStory Kylie Jenner ka zbuluar emrin e djalit të saj.
Miliarderja Kylie i dha fund pritjes së të gjithve atyre që mezi prisnin të mësonin emrin e vogëlushit i cili erdhi në jetë më 2 shkurt të vitit 2022. Siç pritej ajo ka zgjedhur një emër të veçantë, Kylie ka bërë me dije se i biri është pagëzuar me emrin Wolf Webster, emër që shqip do të thotë “ujk”.
Krejt i pazakontë! Ndërkohë që gjithë në rrjet kishin nisur me teoritë konspirative sesi mund të ishte emri i të voglit, duke marrë parasysh që vajza e madhe, mban emrin Stormi (Stuhi).
Kylie, e cila është në një marrëdhënie me reperin Travis Scott, ishte e para që njoftoi lindjen e të birit duke postuar një foto të dorës së tij së bashku me datën e lindjes dhe një zemër blu që tregonte gjininë e bebes.
