Miliarderja Melinda French Gates së fundmi ka dhënë një intervistë për “USA Today”, ku ka folur ndër të tjera edhe për ndarjen nga Bill Gates.
Ajo tha se momenti kur e kuptoi që kishte ardhur koha që ajo dhe ish-bashkëshorti i saj Bill Gates duhej t’i jepnin fund martesës së tyre pas 27 vitesh dhe tre fëmijëve ishte “momenti më i vështirë” në jetën e saj.
Miliarderja pranoi se të gjithë kalojnë “momentet e tyre të vështira” dhe se ajo “nuk është e lumtur çdo ditë”, teksa shtoi se divorci nuk ishte diçka që ajo “mendonte ndonjëherë se do t’i ndodhte”.
“Sigurisht që nuk ishte ajo që mendoja ditën kur u martova,” tha ajo. “Por e kuptova vetë, më duhej të bëja një zgjedhje më të shëndetshme dhe kjo ishte një ditë shumë, shumë e trishtë”.
Kujtojmë që Bill Gates, 66 vjeç dhe Melinda French Gates, 57 vjeçe, njoftuan ndarjen e tyre në maj 2021.
Galeria fotografike
