Aktorja e njohur shqiptare, Mariana Kondi, ka qenë pjesë për të dytin vit radhazi e aktivitetit të rëndësishëm të realizuar nga Unioni i Bashkive Shqiptare në Rajon.
Aktorja është nderuar me një medaljen e “Mirënjohjes” për kontributin e dhënë në aktivitetet e Unionit dhe për promovimin e vlerave të grave dhe vajzave të suksesshme.
Me anë të një postimi në rrjetin e saj social Mariana Kondi ka shprehur mirënjohjen e saj për këtë medalje të rëndësishme, teksa ka shtuar se në shenjë simbolike ua kushton vajzave dhe grave ukrainase.
“E nderuar që për të dytin vit radhazi bëhem pjesë e aktivitetit të Unionit të grave shqiptare të suksesshme të bashkive dhe komunave shqipfolse mbajtur më 8 Mars në Preshev nën kujdesin e Kryetares së komunës Preshev Z. Ardita Sinani!
Shumë e nderuar jam edhe për medaljen e Mirënjohjes të Kryetarit të Bashkisë së Tiranës Z. @erionveliaj vlerësim për kontributin tim të dhënë në aktivitetet e Unionit dhe promovimin e vlerave më të mira të grave dhe vajzave të suksesshme! Te falënderoj @andriolakambo ?! Këtë medalje në shenje simbolike ja kushtoj vajzave dhe grave Ukrainase! Faleminderit dhe mirënjohje për ju!”, ka shkruar ajo përkrah një fotografie të realizuar gjatë aktivitetit në Preshev.
Galeria fotografike
