Ka pak kohë që Kanye West ka ndryshuar emrin e tij në YE edhe pse njerëzit, publiku dhe mediat i referohen akoma me emrin që jemi mësuar ta shohim.
Pas tij një tjetër këngëtar i njohur ka shprehur dëshirën për të ndërruar emrin pas kaq kohësh që emri i tij u bë shumë i suksesshëm dhe i njohur për publikun.
Bëhet fjalë për The Weeknd, i cili në një postim në rrjetin social Twitter ka shkruar, “Ndoshta do të bëj një “Ye””, duke iu referuar Kanye West.
Nëse këngëtarit kanadez vendos të ndryshojë emrin, ai do të quhet ABEL, pasi emri i vërtetë i The Weeknd është Abel Tesfaye. “E urreja emrin tim në atë kohë, kështu që provova The Weeknd si emër skenik”, shpjegoi ai.
