Djali i Britney Spears, Jayden James Federline, ka folur së fundmi për raportin e tij me këngëtaren. Në një intervistë që do të transmetohet të premten në mbrëmje në ITV News, 15-vjeçari i tregon Daphne Barak pse ai dhe vëllai i tij, 16-vjeçari Sean Preston, nuk morën pjesë në dasmën e nënës së tyre me Sam Asghari.
Sean, 16 dhe Jayden, 15, u ulën me regjisoren Daphne Barak për të folur për Spears në një intervistë që transmetohet të premten. Jayden ndau se ai “nuk ka urrejtje” për nënën e tij, pavarësisht se nuk mori pjesë në dasmën e saj me Sam Asghari.
“Në atë kohë nuk ishte ide e mirë të shkonim”, shpjegon Jayden. “Unë nuk po them që nuk jam i lumtur për të. Jam shumë i lumtur , por ajo nuk e ftoi të gjithë familjen dhe nëse do të ishim unë dhe Preston, unë mendoj që gjërat nuk do shkonin mirë”.
Megjithatë, Jayden rrëfeu se nuk e urren nënën e tij dhe do të donte ta shihte përsëri një ditë. “Unë 100% mendoj se kjo mund të rregullohet,” tha ai, për Daily Mail. “Do të marrë shumë kohë dhe përpjekje. Unë thjesht dua që ajo të përmirësohet nga shëndeti mendor. Kur të bëhet më mirë, unë me të vërtetë dua ta shoh përsëri”.
Jayden foli gjithashtu edhe për përdorimin e mediave sociale nga artistja, për të cilën babai i tyre zbuloi se “i lëndon” djemtë. “Mediat sociale e ndihmojnë atë… Pra, nëse ajo dëshiron të bëjë këtë, kjo është ajo që ajo dëshiron të bëjë, unë nuk do ta urrej për këtë. Duket sikur ajo do të postojë diçka në Instagram për të tërhequr vëmendjen”, shtoi djali. “Kjo ka vazhduar për vite, dhe ka shumë mundësi që kjo të mos ndalet kurrë, por unë shpresoj që ajo të ndalojë”.
Jayden u ndal gjithashtu dhe te raporti i tij me babain e Spears, Jamie dhe deklaroi se ai “nuk e meriton gjithë urrejtjen që po merr në media”, duke shtuar, “Unë e dua atë, me gjithë zemër”. Britney, beson Jayden, “po pushon së kuptuari se sa shumë babai i saj po kujdeset për të”.
Ndërkohë sa për atë që do të donte t’i thoshte mamasë së tij sot, Jayden u shpreh: “Të dua shumë, shpresoj për më të mirën për ty. Ndoshta një ditë mund të takohemi dhe të flasim përsëri”.
Galeria fotografike
