Robert Berisha dhe Laureta Maqedonci i kanë dhënë fund romancës së tyre.
Dyshimet e para për ndarjen e dyshes, lindën kur këngëtari fshiu të gjitha postimet me modelen nga rrjetet e tij sociale, ndërkohë që kjo e fundit mbylli adresën e saj në Instagram.
Së fundmi burime për “Prive” kanë konfirmuar ndarjen duke zbuluar edhe arsyen e vërtetë të ndarjes së tyre.
Po të njëjta burime bëjnë me dije se raporti i tyre prej afro një muaji nuk po funksiononte siç duhej. Ka qenë presioni i krijuar nga ekspozimi publik, vëmendja e shumtë në media që ka bërë që në çift të lindin mosmarrëveshjet e para.
Laureta nuk e ka përjetuar mirë pjesën e vëmendjes dhe për këtë arsye pas ndarjes ka vendosur të marrë një pushim të plotë, duke iu larguar sa më shumë syrit të publikut.
