Fëmijët binjakë të Jennifer Lopez, Max dhe Emme, të dy 14 vjeç, nuk kanë më nevojë për një dado. Por ajo që ishte dado e tyre vite më parë, dha dorëheqjen vetëm një javë pasi qëndroi me ta. Dhe e dyta gjithashtu…
“Nuk mund ta imagjinoni se si është të jesh nënë derisa të bëheni vetë”, tha Lopez. Unë u jepja këshilla miqve të mi që kanë fëmijë gjatë gjithë kohës, dhe ata më shikonin sikur të kisha tre koka. Dhe pastaj kur i kisha, në momentin që i kisha, u kërkova falje të gjithë miqve të mi”, është shprehur JLo.
JLo e kishte të vështirë të merrte dikë që të kujdesej për fëmijët e saj. Kur ishin të vegjël, binjakët kishin nevojë për vëmendje, pasi orari i ngjeshur i këngëtares e pengonte atë të kalonte me ta aq kohë sa donte. Normalisht, të famshëm si JLo punësojnë një dado për fëmijë, megjithëse Jennifer zgjodhi vetëm një.
“Normalisht, njerëzit që fitojnë shuma të mëdha parash dhe kanë shumë detyrime profesionale dhe sociale punësojnë një dado për çdo fëmijë, veçanërisht për të sapolindurit. Por duket sikur Jennifer priste që një dado e vetme jo vetëm të kujdesej për të dy binjakët, por të punonte. 16 orë në ditë, shtatë ditë në javë!” një person i afërt me Lopez zbuloi për National Enquirer.
Dadoja e parë u largua brenda një jave, kështu që ata punësuan shpejt një të dytën. “Ata punësuan një dado të dytë, e cila ishte e mrekullueshme me binjakët, por nuk mund të përballonte të punonte kaq shumë orë pa pushim,” vazhdoi burimi.
J.Lo nuk ka folur kurrë për dadot e ndryshme që e lanë thuajse menjëherë, por ajo ka treguar se si karriera e saj ka ndikuar tek fëmijët e saj.
