Lajmi se Bruce Willis u diagnostikua me afazi “shpërtheu” si rrufe në mbarë botën. Shumë fansa u vunë në kërkim të arsyeve që shkaktuan problemin që ndikon në aftësinë e aktorit të njohur për të komunikuar.
Edhe pse Willis tashmë është tërhequr nga sytë e publikut, ai vazhdon të pushtojë mediat me problemin e tij shëndetësor, por së fundmi ka shkaktuar edhe komente të ndryshme me vendimin e tij për t’i lënë 1 milion dollarë vajzave që ka nga martesa me Demi Moore, kur totali vlera e pasurisë së tij vlerësohet në 250 milionë dollarë.
Pothuajse nëntë muaj pas lajmit që bëri që shumë fansa të Bruce Willis të shqetësoheshin për shëndetin e tij, një publikim i ri vjen për të hedhur pak dritë mbi këtë lajm të pakëndshëm.
Së fundmi janë hedhur aludime rreth gjendjes shëndetësore të Bruce Willis. Sipas gazetës gjermane, Filmstarts aktori pati një aksident gjatë xhirimit të filmit ‘Tears of the Sun’. Kjo thuhet se mund të ketë qenë shkaku i afazisë së tij. Për shkak të kësaj, aktori paditi Revolution Studios për “dhimbje ekstreme mendore, fizike dhe emocionale” dhe gjithashtu menaxherin e efekteve speciale, Joe Pancake.
Afazia është një dëmtim i trurit që ndikon në komunikimin e një personi. Kjo sëmundje e pengon pacientin të flasë, por edhe të kuptojë njerëzit e tjerë. Thashethemet erdhën nga rrethi i Bruce Willis, pasi një mik anonim i tha The Sun në mars 2022 se ndryshimet filluan pesë vjet më parë. “Në fillim nuk ishte asgjë e madhe, vetëm gjëra të vogla si ai kishte nevojë për ndihmë për të folur. Të gjithë ata që e njihnin e dinin se diçka nuk ishte në rregull, por ne nuk e dinim diagnozën e saktë. Fakti që ai nuk do të performonte më ishte befasuese”, tha burimi.
Lajmi u konfirmua më pas nga familja e tij në një deklaratë për mediat. “Brusi ynë i dashur ka përjetuar disa probleme shëndetësore dhe së fundmi është diagnostikuar me afazi, e cila po ndikon në aftësitë e tij njohëse. Si rezultat i kësaj dhe me shumë konsideratë, Bruce po largohet nga karriera që ka shumë kuptim për të.
