Jeta luksoze e Cristiano Ronaldos dhe Georgina vijon dhe në Arabinë Saudite, aty ku tashmë ata po jetojnë. Ndërkohë, ata kanë prona të ndryshme në mbarë botën dhe një prej tyre sapo e kanë dhënë me qira për 10 mijë euro në muaj. Është rezidenca “La Finca”, ku janë filmuar dy sezonet e “I am Georgina” në Netflix.
Rezidenca në Madrid është një vend unik, me 4 000 metra katrorë, katër kate dhe një garazh të madh ku, çuditërisht, disa nga makinat e nivelit të lartë të sulmuesit aktual të Al-Nassr mbeten ende. Pavarësisht gjithçkaje, bashkëpunëtori i programit të “La Sexta” ka konsideruar se çmimi i qirasë është “shumë i lartë”.
Megjithatë, është një shtëpi me shumë dhoma gjumi, banjo, dhoma dhe një ekip të plotë sigurie. “La Finca” ka qenë vendi i zgjedhur nga Netflix për të xhiruar dy sezonet e para që janë transmetuar “I am Georgina”.
Në serial, shikuesit kanë mundur të vëzhgojnë se dekorimi i shtëpisë është shumë i veçantë dhe, përveç kësaj, ajo është e rrethuar nga një kopsht i gjerë dhe një tarracë e madhe me një pishinë.
10 mijë eurot në muaj padyshim që nuk janë për të gjitha xhepat. Por, padyshim, është një mundësi unike për të jetuar i rrethuar nga luksi dhe për të fjetur në të njëjtat dhoma ku ka jetuar dikur ish-lojtari i Real Madridit, i cili kaloi gati një dekadë në kryeqytetin e Madridit.
Galeria fotografike
Horoskopi ditor, e enjte 13 prill 2023
E dinit që Alketa Vejsiu ka shkruar një libër?
