Rita Ora ka zbuluar titullin dhe datën e publikimit të albumit më të ri të saj. Ky album është i treti në karrierën e saj 10-vjeçare. Lajmin e bukur dhe të shumëpritur këngëtarja e ka ndarë me fansat e saj të shumtë në rrjetin e saj social Instagram.
Ajo ka publikuar një foto në rrjetin e saj social Instagram, ku shihet në një studio ku qëndron e ulur në karrige dhe pranë saj është një mashkull. Përkrah postimit artistja ka bërë me dije se albumi do të titullohet “YOU and I” dhe do të publikohet i plotë më 14 korrik.
“Albumi im i tretë “YOU and I” do të dalë në shitje më 14 korrik dhe është i qasshëm për t’u rezervuar që tani. Ky album do të thotë vërtet shumë për mua, është si ditari im i viteve të fundit, është tingulli im dhe e ndjej kaq të vërtetë në atë kush jam unë sot. Mirë se vini në epokën e re, RO3 po vjen. Shijoni historinë time të dashurisë”, ka shkruar ajo.
Kujtojmë që këngëtarja shqiptare me famë botërore tashmë ka publikuar dy këngë nga ky album, “You Only Love Me” dhe “Praising You” në bashkëpunim me Fatboy Slim. Hera e fundit kur ajo publikoi një album të plotë ishte viti 2018, albumi “Phoenix”.
Horoskopi ditor, e enjte 20 prill 2023
FOTO/ Neymar do të bëhet baba për herë të dytë!
Horoskopi ditor, e mërkurë 19 prill 2023
