Kërkimet për të gjetur nëndetësen turistike të Titanikut që u zhduk në Oqeanin Atlantik, kanë hyrë në momente vendimtare, pasi edhe pak orë kanë mbetur deri në përfundimin e sasisë së oksigjenit që ka brenda nëndetëses turistike.
Llogaritet që rezervat e oksigjenit të nëndetëses, me orën tonë lokale, të përfundojnë rreth orës 12:00-13:00. Kapiteni që drejton operacionin e kërkim-shpëtimit ka thënë më herët se ende nuk kanë asnjë dijeni për vendndodhjen e nëndetëses Titan.
BBC ka bërë me dije se sot do t’i bashkohen ekipeve të kërkimit 10 anije shtesë dhe nëndetëse. Nëndetësja turistike, e cila bënte ekspedita në rrënojat e Titanikut, që ndodhen rreth 3 800 metra në fund të oqeanit, u zhduk mëngjesin e së dielës, rreth 1 orë e 45 minuta pasi ishte nisur nga brigjet e Kanadasë.
Në bordin e saj ndodheshin 5 persona: Biznesmeni britaniko-pakistanez Shahzada Daëood, djali i tij Suleman, biznesmeni dhe eksploruesi britanik, Hamish Harding, zhytësi i marinës franceze, Paul-Henry Nargeolet, i cili e kishte bërë edhe më herët këtë udhëtim, si dhe vetë CEO i firmës OceanGate, që ka në pronësi nëndetësen, Stockton Rush.
Si rrallëherë, Eno Popi ndan foto me partneren!
Një sy gjumë gjatë ditës i bën mirë trurit!
Horoskopi ditor, e mërkurë 21 qershor 2023
