Këto ditët e fundit të gushtit nuk kanë qenë dhe aq të mira për Rita Orën, e cila e gjeti veten së fundi në mesin e një tjetër debati, pas atij që shkaktoi me incidentin e flamurit serb.
Këngëtarja së fundi po “kryqëzohet” në rrjet për një ngaterrësë të bërë lidhur me origjinën e të shoqit. Rita ka lidhur kurorë me regjisorin e famshëm, Taika Waititi. Ata duken shumë të lumtur me njëri-tjetrin. Megjithatë, në episodin e fundit të “The Voice Australia”, ku këngëtarja është pjesë e jurisë, ajo bëri një gabim për vendin nga i cili ai vjen.
Një konkurrent këndoi “Ribbon in the Sky” të Stevie Wonder, një performancë që u pëlqye nga të gjithë gjyqtarët, ndërsa ku u pyet për formimin e tij muzikor, ai tha se ishte rritur duke kënduar në një kishë në Samoa.
Jason Derulo më pas i tregoi konkurentit disa tatuazhe nga Samoa, ndërsa po ashtu tha se truproja e tij është nga atje. Ndërkohë edhe Rita Ora komentoi duke u shprehur: “Edhe unë jam e martuar me një burrë që është gjysmë samoan”, gjë që nuk është krejtësisht e vërtetë, duke qenë se Taika është në fakt me origjinë maori, dicka e ndryshme nga samoan.
Fansat e artistes, njerëzit që e ndjekin dhe ndjekësit e “The Voice” që kapën momentin, kanë nisur reagimet në platformën X, ku ironizuan këngëtaren duke i thënë se duhet të dijë më shumë gjëra për burrin me të cilin u martua.
Studimi i ri: Gjuhët e huaja ndihmojnë kujtesën!
Pagjumësia – kura e thjeshtë me 3 përbërës!
FOTO/ Pamja e Kris Jenner i lë fansat pa fjalë!
6 çantat më në modë për vjeshtën 2023!
Horoskopi ditor, e mërkurë 30 gusht 2023
