Alarmi për bombë në shkollat e Tiranës këtë të premte, ka shkaktuar frikë te mësuesit, nxënësit, por edhe prindërit.
Një e-mail ku paralajmërohen sulme me bomba në shkolla, ka mbërritur në adresë të Policisë së Shtetit, duke bërë që strukturat ligjzbatuese të vihen në lëvizje.
Pa përmendur emra shkolle specifikisht, duket se një grup radikal ekstremist, ku përmendet emri ‘Allah’, tenton të përhapë panik, duke paralajmëruar se ‘gjaku i mësuesve do të derdhet në shkolla’, apo merr rastin e sulmit në Nicë të Francës.
Krimi Kibernetik në Policinë e Shtetit ka nisur hetimet për zbulimin e autorëve që kanë dërguar e-mailin në fjalë, ndërsa në çdo shkollë të vendit janë marrë masa.
