Çifti i njohur i “Big Brother VIP Kosova 3”, Ana dhe Kevini, kanë ndarë me publikun një nga momentet më të rëndësishme të jetës së tyre. Dyshja ka bërë të ditur se shumë shpejt do të bëhen prindër për herë të parë.
Lajmin e ëmbël e zbuluan përmes një postimi të përbashkët në Instagram, ku publikuan disa fotografi të realizuara mes natyrës. Në imazhe, Kevini shihet duke përqafuar Anën dhe barkun e saj të rrumbullakosur, ndërsa çifti shfaqet plot lumturi dhe emocion.
“Nga dy zemra në tri”, shkruan ata në përshkrimin e fotografive, një mesazh i shkurtër që u prit me mijëra urime dhe komente nga miq, kolegë dhe ndjekës.
Historia e dashurisë së Anës dhe Kevinit nisi brenda shtëpisë së “Big Brother VIP Kosova”, ku ata u njohën dhe krijuan një lidhje që vazhdoi edhe pas përfundimit të spektaklit. Me kalimin e kohës, romanca e tyre është forcuar, ndërsa tani çifti po përgatitet të mirëpresë anëtarin më të ri të familjes.
Pritja e fëmijës së parë shënon një etapë të re në jetën e tyre dhe është një lajm që është pritur me shumë entuziazëm edhe nga fansat e formatit, të cilët i kanë mbështetur që prej ditëve të para të njohjes së tyre.
Për momentin, Ana dhe Kevini nuk kanë zbuluar gjininë e foshnjës apo detaje të tjera, duke zgjedhur ta shijojnë në privatësi këtë periudhë të veçantë, mes urimeve dhe dashurisë së njerëzve që i ndjekin.
