Eliminimi dramatik i Anglisë nga Argjentina në gjysmëfinalen e Kupës së Botës 2026 u shoqërua me tensione të forta edhe pas përfundimit të ndeshjes.
Vetëm pak çaste pas vërshëllimës së fundit, Jude Bellingham u përfshi në një përplasje të ashpër me mbrojtësin argjentinas Valentín “Colo” Barco, incident që rrezikoi të shndërrohej në një sherr masiv mes lojtarëve të dy skuadrave.
Teksa futbollistët e Argjentinës po festonin në grup kualifikimin në finale, Bellingham iu afrua dhe e goditi Barcon në kokë. Argjentinasi u kthye menjëherë i irrituar, duke kërkuar shpjegime nga mesfushori i Real Madridit.
????????| Jude Bellingham ???????????????????????????? Colo Barco in the head after the match. ????????????????????????????????pic.twitter.com/pRqnuwP8hm
— CentreGoals. (@centregoals) July 15, 2026
Në pamjet që u shpërndanë me shpejtësi në rrjetet sociale, Barco shihet duke e shtyrë Bellinghamin, ndërsa ky i fundit afrohet sërish drejt tij. Nico Paz ndërhyri fillimisht për t’i ndarë, përpara se Nicolás Otamendi ta largonte me forcë lojtarin anglez dhe të përpiqej të qetësonte situatën.
Për disa momente, në përplasje u përfshinë edhe futbollistë të tjerë. Disa tentuan të shmangnin përshkallëzimin, ndërsa të tjerë u afruan për të mbrojtur shokët e skuadrës.
Jude Bellingham slaps Barco on the back of the head
— ???????? (@YanitedBruno) July 15, 2026
Absolutely disgraceful behavior pic.twitter.com/tt6pNFKlm2
Nuk është bërë e ditur se çfarë i tha Barco Bellinghamit apo nëse mes tyre kishte pasur shkëmbime gjatë ndeshjes. Nga pamjet duket se reagimi i futbollistit anglez lidhej me zhgënjimin e eliminimit dhe me festën e argjentinasve pas triumfit.
Argjentina siguroi një fitore të madhe me përmbysje, pasi Anglia kishte kaluar fillimisht në avantazh me Anthony Gordon. Enzo Fernández barazoi rezultatin në minutën e 85-të, ndërsa Lautaro Martínez shënoi golin vendimtar në kohën shtesë, pas asistimit të Lionel Messit, duke vulosur rezultatin 2-1 dhe kualifikimin në finalen e Kupës së Botës.
