Mbreti i Britanisë, Charles, ka folur së fundmi për diagnozën e tij me kancer, duke e cilësuar si një përvojë të frikshme. Në një mesazh të ndarë në një pritje në Pallatin Buckingham për bamirësitë që mbështesin kancerin, Çarls tha se pavarësisht frikës që mund të sjellë kanceri, ai mund të vendosi në fokus më të mirën e njerëzimit.
"Si një nga këto statistika, unë vetë mund të garantoj për faktin se kjo mund të jetë gjithashtu një përvojë që vë në fokus më të mirën e njerëzimit", tha Çarls.
Të kesh sëmundjen "më ka dhënë sigurisht një vlerësim edhe më të thellë për punën e jashtëzakonshme të ndërmarrë nga organizatat dhe individët e shquar të mbledhur këtu sonte, shumë prej të cilëve i kam njohur, vizituar dhe mbështetur gjatë viteve", shtoi ai.
Përveç kësaj, "ka përforcuar atë që kam vërejtur prej kohësh gjatë këtyre vizitave - se momentet më të errëta të sëmundjes mund të ndriçohen nga dhembshuria më e madhe", shtoi monarku.
Kur u diagnostikua, Charles tha se "shpërtheu në lot" pasi mijëra njerëz i dërguan mesazhe mbështetjeje. "Mendime të tilla të mira janë ngushëllimi dhe inkurajimi më i madh", tha ai në atë kohë.
Familja Mbretërore ka marrëdhënie të gjata me organizatat bamirëse për mbështetjen e kancerit, përfshirë Macmillan Cancer Support, ku Charles është mbështetës. Shfaqja e tij e parë publike pas marrjes së diagnozës ishte në Qendrën e Kancerit Macmillan të Spitalit Universitar të Kolegjit në Londër, ku u takua me pacientë dhe mjekë.
Nusja e Charles, Princesha e Uellsit, njoftoi gjithashtu vitin e kaluar se ishte diagnostikuar me kancer, duke iu nënshtruar kimioterapisë përpara se të zbulonte se po bënte çmos diuke luftuar me këtë sëmundje.
