Reperi i njohur Mc Kresha gjatë një interviste në podcastin “Flet” ka folur për jetën e tij personale dhe atë profesioanle.
Gjatë bisedës ata u ndalën edhe në konfliktin e tij me grupin Babastars dhe veçanërisht me Getoarin, duke pranuar se konflikti mes tyre ka zgjatur më shumë se 11 vite, duke theksuar se gjatë kësaj periudhe nuk kishin komunikuar fare.
“Me Getin s’kam fol për më shumë se 11 vjet,” tha ai, teksa më tej shtoi, “Edhe kur u takuam kohëve të fundit, po qeshnim. I thashë, ‘Aq shumë e kemi marrë seriozisht këtë Beef more vëllai. Jemi hidhëruar, s’kemi fol dhe asnjë lek s’e kemi shfrytëzuar’”.
Mc Kresha theksoi se konfliktin mes tyre, ata nuk e kishin shfrytëzuar për të patur përfitime ekonomike, “E kemi marrë aq kulturarisht sa s’jemi marrë me të në formë biznesore”.
