Lucio Corsi do të përfaqësojë Italinë në Eurovision 2025, pasi këngëtari Olly ka vendosur të heqë dorë nga kompeticioni. Olly, fituesi i Sanremo, kishte planifikuar disa data koncertesh gjatë Eurovisionit dhe, për shkak të angazhimeve të tij, vendosi të mos i ndryshonte ato.
Në një postim në Instagram, Olly shpjegoi vendimin e tij, duke thënë: “Kam kërkuar mendimin e të tjerëve për ditë me radhë dhe përgjigjja është gjithmonë e njëjtë: në fund duhet të bësh atë që ndjen. Është e rëndësishme për mua të jem vetvetja.”
Ai shtoi se, megjithëse mund të duket si një mundësi që mund të ndodhte vetëm një herë në jetë, ai vendosi të vazhdojë me koncertet e tij të planifikuara, duke theksuar se kjo është mënyra e tij për të dëgjuar veten.
Në fund, Olly u shpreh: “Muzika në Itali është plot artistë të mrekullueshëm dhe ky vit është prova më e sinqertë e kësaj.”
Lucio Corsi, i cili e ndoqi Olly në renditje me një diferencë të vogël prej 0.45%, do të ketë nderin të përfaqësojë Italinë në Eurovision 2025.
