Shqetësim dhe frikë e madhe për Brad Pittin dhe Angelina Jolien. Djali i saj Pax, 20 vjeç, u përfshi në një aksident me makinë në Los Angeles.
Sipas njoftimeve të policisë, Pax përplasi biçikletën e tij elektronike në një makinë në një rrugë të frekuentuar, në Los Feliz Blvd. I riu dyshohet se është përplasur me një makinë të ndaluar në një semafor të kuq pranë një kryqëzimi.
Sipas raportimeve, shoferi ka zbritur menjëherë nga makina për të kontrolluar gjendjen shëndetësore të Pax-it, i cili nuk mbante helmetë. Policia dhe ndihmësmjekët mbërritën në vendngjarje dhe dëshmitarët thanë se Pax vuante nga dhimbje në ijë dhe kokë. Për këtë arsye ai është dërguar me urgjencë në spital për kontrolle dhe mjekim.
Mjekët kishin frikë se mund të kishte një hemorragji cerebrale, por duket se kjo hipotezë është përjashtuar dhe se mund të jetë vetëm një traumë në kokë. Për këtë arsye i riu duhet të dalë së shpejt.
Pax, i katërti nga gjashtë fëmijët e ish-çiftit të famshëm, është parë duke ngarë biçikletën e tij elektronike nëpër Los Anxhelos disa herë. Fakti që ai nuk mbante helmetë, megjithatë, nuk do të thotë domosdoshmërisht se ishte një parregullsi. Në Kaliforni, në fakt, rregulloret për detyrimin për të mbajtur një helmetë ndryshojnë në varësi të klasës së cilës i përket biçikleta.
