Meghan Markle dhe Prince Harry kanë festuar ditëlindjen e pestë të vajzës së tyre, Lilibet, me një postim të ëmbël në rrjetet sociale që ka tërhequr vëmendjen e publikut.
Në një postim në Instagram të publikuar të enjten, më 4 qershor,Meghan Markle ndau dy foto të reja të vajzës së saj. Në imazhin e parë, Lilibet shihet në krahët e të atit, Princ Harry, ndërsa Meghan shfaqet duke buzëqeshur pranë tyre. Fotografia e dytë tregon vajzën duke ecur zbathur në kopshtin e shtëpisë së tyre në Montecito.
“Vajza jonë e ëndrrave. Gëzuar ditëlindjen e 5-të, Lili,” ka shkruar Meghan në përshkrimin e fotove, duke shtuar edhe një emoji zemre.
Lilibet, e cila ka flokë të kuq si i ati, është vajza më e vogël e çiftit. Ajo lindi në qershor të vitit 2021 në Kaliforni, pasi familja u zhvendos në SHBA në vitin 2020 pas tërheqjes nga detyrat mbretërore në Mbretërinë e Bashkuar.
Çifti Sussex po përpiqet të ruajë një jetë sa më private për fëmijët e tyre, por Meghan ka ndarë herë pas here momente familjare në rrjetet sociale, duke treguar pjesë të jetës së tyre në Montecito.
