në kuadër të dashurisë

EDITORIAL

Në kuadër të dashurisë, Luizi dhe Olta bëhen bashkë! Gjithçka duhet të dini! - Stil Jetese
KreuStil Jetese

Në kuadër të dashurisë, Luizi dhe Olta bëhen bashkë! Gjithçka duhet të dini!

Në kuadër të dashurisë, Luizi dhe Olta bëhen

Sapo “Big Brother VIP” mbylli edicionin e tij të dytë, në media po qarkullonin lajme rreth projektit që do të bënte bashkë dy protagonistët e këtij ‘reality show’, Luiz Ejllin dhe Olta Gixharin. Së fundmi në faqen zyrtare të “Big Brother VIP” në Instagram me anë të një postimi është zbuluar gjithçka rreth këtij projekti, ku thuhet se aktroja dhe këngëtari do të jenë personazhet kryesorë të një filmi, i quajtur “Në kuadër të dashurisë”.

“Tashmë është zyrtare! Luiz Ejlli dhe Olta Gixhari bashkohen në projektin e ri filmik. Prej disa kohësh është përfolur në rrjet për një film që po bëhej gati dhe në role kryesore do të ishin dyshja më e komentuar dhe më e famshme në Shqipëri. Luiz Ejlli dhe Olta Gixhari do të jenë pjesë e filmit “Në kuadër të dashurisë”. Ky film do të jetë një komedi romantike, ku nuk do të mungojnë të qeshurat, por as lotët.

‘Në kuadër të dashurisë’ shfaq një histori dashurie në kohët moderne që ndërlidh jetët e dy njerëzve dhe të familjeve të tyre. E nëse mendoni se keni pare çdo gjë nga Luizi dhe Olta kur ishin pjesë e shtëpisë së ‘Big Brother VIP’, na lini t’ju themi që gaboheni. Surprizat nuk do të kenë fund dhe fundja, e kush nuk do të ishte kuriozë që të shihte si çift ‘dy armiq të përbetuar’?!


Kjo marrëdhënie e çuditshme ‘dashuri-urrejtje’ vërtet që ka ngjallur mjaft kureshtje dhe interes te publiku i gjerë gjatë kohës që ishin pjesë e shtëpisë më të famshme në Shqipëri. Kujtojmë këtu provën javore ku ndodhi dhe një puthje mes tyre dhe audienca ‘u çmend’. Kimia e tyre është e pamohueshme dhe të gjithë jemi gjithë sy e veshë për t’i pare ata si dy të dashuruar. E çuditshme por e vërtetë! Por deri në premierën e filmit, na lini t’ju japim një vështrim paraprak…


Një çift i martuar prej vitesh janë në buzë të ndarjes. E ndërsa gatisin letrat e divorcit, një ftesë i’u vjen nga mamaja e vajzës për një festë surprizë ditëlindjeje. Të gjendur para sikletit, çifti vendos të lënë Tiranën, e të nisen në Korçë, në këtë vizitë e cila bashkon familjet e të dyja palëve. Pikërisht kjo vizitë do t’i tregojë atyre të vërteta të hidhura për veten dhe njerëzit e afërt duke bërë të ri-mendojnë edhe njëherë gjithçka.

Nga ‘rivalë’ në shtëpinë e ‘Big Brother VIP’, ata vijnë tashmë si burrë dhe grua në filmin që parashikohet të thyejë rekorde”, thuhet në postim.

Ende nuk dihet se kur filmi do të ketë premierën, ndaj na mbetet të presim një pnjoftim të dytë nga produksioni..

A post shared by Big Brother Alb VIP Edition (@bigbrotheralb_vip)

Tags:

Home bordo

Bordo No.65
Dhjetor 2023

SHKARKO VERSIONIN PDF

Stil Jetese

ME SHUME NGA KJO KATEGORI