Festoi ditëlindjen e 31-të, edhe pse ndoshta nuk kishim menduar shumë për moshën e saj, pasi format perfekte nuk të lënë të përqendrohesh në tjetër vend, përpos bukurisë që e karakterizon. Fillimisht, na la pa mend me një postim në Instagram, ku mund të shihnim Anxhelën, në një dhomë të mbushur me tullumbace, lule, tortë e kekë të vegjël, posaçërisht për këtë ditë të veçantë. Modelja e shoqëronte këtë foto, me një shkrim të tillë: “U zgjova kështu…një mëngjes ditëlindje”, duke na kujtuar nëpërmjet një ikone emojii, se shenja e saj e horoskopit, është binjakët (mesa duket, modelja i kushton rëndësi astrologjisë). Por, si për këdo tjetër, edhe për Martinin, kjo ditë nuk kishte si të kalonte, pa urimin e miqve të saj. Në komente, u dalluan dy emra të të famshmeve shqiptare: Xhesika Berberi dhe Dafina Zeqiri, të cilat morën pak nga koha e tyre, për t’i shkruar disa fjalë të përzemërta në anglisht bukuroshes shkodrane. Megjithatë, një dedikim special erdhi nga fotografi i njohur Fadil Berisha, i cili publikoi një foto të Anxhelës në llogarinë e tij në Instagram, ku ndër të tjera shprehej: “Gëzuar ditëlindjen, femra më seksi mbi tokë. Shumë dashuri, për ty mikja ime…shumë e shumë [ditëlindje] të tjera”. Nuk ka mumguar as një koment nga Martini, e cila shprehu dashurinë që kishte për fotografin. Bashkëpunimet mes tyre kanë qenë të shumta, dhe ky reagim pritej nga të dy personazhet. Klikoni në galeri për të parë më shumë.
Një intervistë ndryshe e Bebe Rexhës
Rita Ora, nga Amerika në Kanë
Ta shijosh jetën, si Afërdita!
Ja si e kujton Sara të atin…
