Shtëpia e aktores në New York, është shitur për plot 6 milion dollarë. Edhe pse nuk dihet me siguri pse Keira ka marrë një vendim të tillë, një gjë është e sigurt: ambjentet e apartamentit janë thjesht të mahnitshme! E vendosur në Manhattan, në lagjen TriBeCa, me një hapësirë prej dy katesh, tre dhomash gjumi, dy banjo e me sipërfaqe prej 1163 metra katrorë, Knightley duket se ka jetuar në një shtëpi ëndrrash. Ambjentet janë të arreduara me modernitet, ku mbizotëron druri, ashtu sikurse letra elegante e mureve, sidomos në zonën e dhomës së gjumit – kombinimi i të dyjave jep ndjesinë e atmosferës romantike, gjithashtu. Për më tepër, brenda dhe jashtë shtëpisë ka një hapësirë të konsiderueshme private, prej rreth 270 metra katrorë. Aktorja u zhvendos në vitin 2015 në këtë apartament, të cilin ka vendosur të mos e ketë më pjesë të pronave të saj. Në galeri do të gjeni pamjet nga të gjitha dhomat. (Pyesim veten, ç’shtëpi më të bukur ka gjetur Keira tani…)
