Është periudha më e nxehtë e vitit, e klima jonë mesdhetare ‘çmendet’ akoma dhe më shumë brenda për brenda kufijve. Ata, të cilët i kushtojnë pjesën më të madhe të kohës televizionit, ndjejnë të nevojshme që të paktën fundjavat, t’i kalojnë diku pranë bregdetit, jashtë Shqipërisë ose jo. E tillë ka qenë e shtuna dhe e diela për Blendi Fevziun, që ka zgjedhur Dhërmiun për relaksin e këtij fillim korriku. Moderatori shihet krejt ndryshe në postimet më të fundit, ku kemi parë shumë foto nën ujë, me në krye Fevziun duke eksploruar. Sikur të mos i mjaftonte një botë e tërë e politikës shqiptare, duket se Blendit i ka interesuar së tepërmi zbulimi i jetës nënujore, një pasion ky që gjendet në jo pak njerëz. Një formë e re kjo e disi e pazakontë për të gjetur moderatorin, që jemi mësuar ta shohim vetëm nën kostumin serioz gjatë drejtimit të emisionit ‘Opinion’. Klikoni në galeri për të parë më shumë.
