Zhurma për lindjen e binjakëve Sir dhe Rumi, do të shtohet akoma dhe më shumë kur publikut t’i ofrohet një imazh i dytë i të vegjëlve. Deri më tani, kemi parë Beyonce teksa shfaqet bombastike, me bashkëshortin ose jo përkrah saj. Mësuam shifrën prej 600,000 dollarësh që artistja po shpenzon (vetëm!) për dadot e binjakëve, ashtu sikurse u informuam që së bashku me Jay Z, Bey po frekuenton palestrën disa herë në javë. Këtë herë, kishte ardhur rradha e një tjetër gjesti të ëmbël nga ana e Knowles, që surprizon fansat jo pak.
Beyonce ka krijuar një libër prej 600-faqesh, të titulluar “Si të bësh një limonadë?”, imazhet brenda së cilit janë edhe më pikante se vetë titulli. Bëhet fjalë për albumin familjar e familjes Carter, ku dokumentohet ndër të tjera disa nga inspirimet që fshihen pas klipeve të Bey. Fotot konsistojnë në momente të ndara mes anëtarëve të familjes Carter-Knowles, ku ndër to dallon Jay Z duke luajtur me Blue Ivy. Çastet më të bukura nga klipet apo prapaskenat e koncerteve të Beyonce nuk kanë munguar aspak, duke i dhënë kështu albumit një frymë artistike. Frymëzimet dhe disa pjesë nga tekstet e këngëve të mbretëreshës së popit shihen në gati çdo faqe të këtij krijimi unik. Fatkeqësisht për të gjithë fansat e çiftit, ky album-libër po shitet fillimisht për $299.98, kështu që gjithçka mund të ofrohet tani janë disa imazhe të shkëputura, të cilat do t’i gjeni në galeri.
Martohet Anxhelina Hadërgjonaj?!
Dua Lipa thyen rekord me “New Rules”!
Të gjithë sytë mbi… Klaudian!
Për ҫfarë përmallohet Bebe Rexha?!
Mahnit Emina me kostum popullor!
