Është e rrallë në ditët e sotme që yje të kategorisë A të rrefejnë dietën e tyre ushqimore. Raste të tilla ndodhin vetëm kur bëhet fjalë për reklamimin e ndonjë produkti në veçanti, si pluhurat me përmbajtje proteine apo çajërat për dobësim. Por, jo gjithmonë ka funksionuar kështu. Më 1952, revista Pageant intervistoi seks-simbolin Marilyn Monroe, ekskluzivisht që kjo e fundit të rrëfente më shumë mbi rutinën e saj ditore, si dhe përkujdesin që tregonte ndaj trupit. Shumë e sinqertë e pa rezerva ndaj publikut, Monroe mahniti të gjithë me deklaratat pa komplekse mbi imazhin në tërësi. Më poshtë ne ju paraqesim atë çka aktorja ka thënë ekzaktësisht për dietën ushqimore.
Mëngjesi i Monroe
“Më kanë thënë se rutina ushqimore që unë ndjek është tejet bizare, por në të vërtetë nuk mendoj kështu. Përpara se të bëj dushin e mëngjesit, ngroh fillimisht një gotë qumësht. Kur bën shumë nxehtë, shtoj dy vezë të gjalla tek qumështi, i përziej me një pirun dhe i pi teksa vishem. Këtë e shoqëroj me një kokërr multi-vitaminë, dhe dyshoj se ndonjë doktor do të rekomandonte zgjidhje më të mirë se kjo për një vajzë që nxiton për në punë.”
Darka e Marilyn
“Darkat e kaluara në shtëpi janë fare të thjeshta. Çdo natë ndaloj tek marketi pranë hotelit dhe marr biftekë, copa qengji ose mish të thjeshtë, që i ziej në dhomë. Zakonisht konsumoj tre ose katër karrota së bashku me mishin, dhe kaq është e gjitha. Duhet të jem gjysmë-lepur, sepse karrotat nuk më mërziten kurrë.”
Martohet Anxhelina Hadërgjonaj?!
Dua Lipa thyen rekord me “New Rules”!
Të gjithë sytë mbi… Klaudian!
Për ҫfarë përmallohet Bebe Rexha?!
Mahnit Emina me kostum popullor!
