Ata u takuan gjatë xhirimeve të “The Amazing Spiderman”, ku të dy luanin role kryesore në historinë e superheroit. Ishin një ndër çiftet më simpatikë për tre vite rradhazi, deri sa në 2015 deklaruan përfundimisht ndarjen. Emma Stone nuk u mjaftua me rrëmbimin e çmimit Oscar si aktorja më e mirë, duke u renditur kështu e para në listën e hollivudianeve më të paguara për 2017. E pamë Andrew Garfield teksa përlotej kur emri i Stone u dëgjua në sallën e Dolby Theater, e si për të mos mjaftuar kjo, marrëdhënia mes aktorëve po ri-avancon edhe një herë.
Sipas disa burimeve për The Sun, Emma ka udhëtuar disa herë drejt Anglisë kohët e fundit, e kjo jo pa arsye. Garfield ka performuar në shfaqen “Ëngjëj në Amerikë”, e Stone ka qenë spektatore në secilën prej netëve kur drama është vënë në skenë. Ajo madje është parë të shkojë tek dhoma e Andrew në prapaskenë, për të biseduar më shumë me të. Burimet shkojnë edhe më larg, duke rrëfyer se çifti janë parë dorë për dore, teksa largoheshin në fshehtësi nga dera e prapme e teatrit. Ç’është e vërteta, si Stone, ashtu dhe Garfield kanë deklaruar vazhdimisht në intervista se sa shumë e duan njëri-tjetrin, aq sa Andrew ka deklaruar se nëse do t’i duhej të merrte vetëm një person me vete në një ishull të shkrehtë, ajo do të ishte Emma. Epo, urime…përsëri!
Martohet Anxhelina Hadërgjonaj?!
Dua Lipa thyen rekord me “New Rules”!
Të gjithë sytë mbi… Klaudian!
Për ҫfarë përmallohet Bebe Rexha?!
