Le të largohemi paksa nga kremërat e shtrenjtë dhe trajtimet që na zbrazin xhepin si të jetë i shpuar. Maskat tradicionale “bëje mirë, bëje vetë” kanë funksionuar gjithnjë mrekullisht, dhe kjo maskë me karota kundër rrudhave nuk bën përjashtim.
Karota përmban dy vitaminat A dhe E, të cilat cilësohen ndryshe si vitaminat çudibërëse për lëkurën. Ato janë një antioksidantë të fuqishëm, që mbrojnë lëkurën nga plakja.
Përbërësit e maskës janë:
Dy karota
Një lugë gjelle vaj ulliri
Një lugë gjelle mjaltë
Një limon i vogël organik
Përgatitja
Pasi t’i keni qëruar karotat, vendosini të ziejnë në një tenxhere me pak ujë. Kur të jenë zbutur tërësisht, lërini të ftohen dhe më pas kthejini në një pure homogjene. Shtojuni tre përbërësit e tjerë dhe përziejeni mirë maskën.
Përdorimi
Pasi ta keni pastruar mirë fytyrën, vendosni me kujdes maskën. Lëreni të veprojë për rreth 15 minuta. Fshijeni maskën me një pecetë të pastër kozmetike. Në fund shpëlajeni fytyrën me ujë të vakët.
Shijojeni fytyrën tuaj rinore!
Si të mos dështosh kurrë me veshjet e tua
Më thuaj si puth, të të them kush je!
Armani Prive, Alta Moda Vjeshtë-Dimër 2017
Victoria Beckham adhuron veshjet oversize
Tre rregulla për të rritur fëmijë të lumtur
