Rita Ora gjatë ditës së djeshme ka paralajmëruar se filmi “Fifty Shades of Grey” mund të ketë një tjetër film dhe këtë herë ajo mund të jetë aktorja kryesore e serisë së re.
“Mund të ketë edhe një pjesë të re”, është shprehur këngëtarja e njohur shqiptare e cila gjatë këtij viti ka arritur suksese të mëdha në karrierën e saj muzikore, si dhe ka realizuar kolonën zanore të serisë së re të “Fifty Shades of Grey”.
Nga ana tjetër kanë qenë të shumtë kritikët e filmave të cilët janë shprehur se pas serisë më të re të këtij filmi, i cili do të shfaqet në kinema në 14 shkurt, nuk do të ketë një tjetër seri. Ndërkohë këngëtarja ndoshta ka zbuluar planet e regjisorëve për të realizuar një seri të katërt.
Këngëtarja shqiptare nuk është e re në aktrim pasi gjatë edhe më herët ajo ka qenë pjesë e shesheve të xhirimeve, ku ka marrë pjesë edhe në filmin e famshëm “Fast and Fourios”.
